المجمعات التجارية في الخبر

"داري إنكم عارفينها وخابزينها أكثر مني لكن بكشخ السبيس شوي"

مجمع الراشد

هالمجمع في الخبر من 10 سنين وأشك إن في أحد بالسعودية كلها ماراح له   ـ المجمع بصراحة في محلات مميزة واللي يبي يشتري ملابس يروح له ومن أول كانت التمشيه في توسع الصدر أما الحين خرب بقوة !! لـ تجمع العرابجة فيه خصوصا ً أيام الأربعاء والخميس !! للاسف مهوب الراشد الأول !! ، لكن اللي يبشر بالخير إنهم الحين جالسين يسوون توسعة لـه وبيضيفون له مجمع "كارفور"< هايبر ماركت ، وبيوسعون في المحلات وسمعت سمعت سمعت عن إمكانية إضافة سينما < تخيلوا لو صدق كان ماعاد أحد يمسك خط البحرين إلا الداج بقوة ..  < مايصير لكم حجة عاد ، المهم هذا أبرز مايخص هالمجمع على فكرة تراهم هالايام قالبينه فوق تحت مافيه الا 5 أبواب مفتوحة من 12 الباقية كلها مسكره للتحسينات

------------------w7dany----------------

مجمع الظهران

ترى مهيب ذي صورته بس تشبه له ومتعيجز والله اروح واصوره

يمكن هو المجمع الأشهر في الوقت الحالي على إنهم مانعين الشباب ومخلين الدعوة عوائل بس ، بس بيني وبينك أصرف علشان مانشوف الأشكال اللي نشوفها بالراشد !! ، المجمع هذا فيه محلات قوية مرره وأقوى من الراشد يمكن فيه محلات مانلقاها بالسعودية مثل جاك أند جونز محل شبابي ، وفيه محلات مشهورة مثل زارا وريفرايلاند ...الخ ، يمكن هو أفضل شيء موجود في الخبر حاليا ً للي وده يروح مجمع يتسوق ويتعشى ويناظر يمين ويسار ويضف وجهه  ـ

والباقي بنكمله بعدين << تعب